Nagsaka sang 21.2% ang local dairy production sang pungsod sa una nga anom ka bulan sang 2026, suno sa National Dairy Authority (NDA).Ginpahayag sang NDA nga ang milk production sang Pilipinas nagdangat sa 25.38 million liters sa first half sang tuig. Mas mataas ini sa 20.94 million liters nga narekord sa kapareho nga period sadtong nakaligad nga tuig.
Gin-report man sang ahensiya ang 6.5% nga pagtaas sa dairy herd sa 165,785 heads halin 155,662 heads sadtong 2025.Base sa datos gikan sa Philippine Statistics Authority (PSA), ang dairy production nakarekord sang 37.8% nga pagtaas year on year sa second quarter sang tuig.Magluwas sini, ginpahayag sang NDA nga ang balor sang dairy production nagasaka sa P1.69 billion sa first half sang 2026 halin P1.36 billion sa kapareho nga period sadtong 2025.
Nagsaka man ang farmgate prices, kun sa diin nagsaka sang 0.41% ang presyo sang gatas sang baka sa P47.05 kada litro, samtang nagsaka naman sang 4.95% ang presyo sang gatas ng karabaw sa P89.55 kada litro.Target sang NDA ang 53 million liters sang milk production kag 33 percent milk sufficiency level para sa 2026.
