KORONADAL CITY – Boluntaryo nga nagsungka sa 2nd South Cotabato Police Mobile Force Company (PMFC) ang isa ka miyembro sang New Peoples army ukon NPA sa Barangay Centrala, Surallah, South Cotabato
Ginkilala ni PMAJ Roel Vergel Parreno ang nagsungka nga si alyas AR-AR, bitbit ang mga eksplosibo sini nga ginalakipan sang isa ka unit sang rifle grenade, isa ka unit sang Uzi Sub Machine Gun nga may magazine kag mga bala.
Sa pihak sini, ginpasiguro ni PMaj Parenno nga pagatutukan nila ang pagbag-o sang kabuhi sang nagsungka nga NPA.
Igapaidalom naman sa mga programa sang gibyerno ang nasambit nga rebelde agud makapangabuhi na sang malinong upod ang iya pamilya.
Nahibaluan nga ginhatagan man sang 2nd South Cotabato PMFC ang nagsunga nga rebelde sang cash assistance kag bugas bilang pauna nga bulig.
