Ginkomendar ni Israeli Prime Minister Benjamin Netanyahu ang desisyon ni United States President Donald Trump nga pagbombahan ang mga nuclear sites sang Iran sa Fordow, Natanz, kag Esfahan.
Suno kay Netanyahu, ang sini nga desisyon ni Trump nagapakita sang iya suporta sa pagtapos sang ginatawag niya nga “pinakadelikado nga rehimen” kag pungsod nga may pinaka peligroso nga mga armas.
Siling niya, ang liderato ni Trump naghimo sang isa ka makasaysayan nga desisyon nga maluwig nga matalana sa kasaysayan sang kalibutan.
Ini, suno sa iya, ang magadala sang kauswagan kag kalinong sa bilog nga Middle East kag bisan pa sa iban nga mga pungsod.
Sa pihak sini, nagpasalamat si Netanyahu kay Trump bangud sa malampuson sini nga pagbungkag sang mga nuclear sites sang Iran nga may bug-os nga isog kag kusog.
