Gin-anunsyar sang anay child star kag kasamtangan nga entrepenuer nga si Kiray Celis, pinaagi sa scoial media live nga nagabusong siya sa ila una nga bata sang iya bana nga si Stephan Estopia.
Ginpahayag niya ini sang Abril 24 paagi sa emosyonal nga video, kun sa diin nakita ang iya reaksyon sang nagpositibo ang pregnancy test kag ang masadya nga pagbaton sang iya bana.
Ginpakigbahin man sang mag-asawa ang sonogram sang ila bata.
Madamo sang fans kag followers ang nagpadala sang pagdayaw kag suporta, kag iban nagbalik-tan-aw sa ila pagkakita kay Celis sang una sa telebisyon.
Madumduman nga sang Pebrero, ginpahayag na ni Celis nga nagapaninguha sila nga magka-bata, kag ginbahin man niya nga ginahandum niya nga magka-pito ka kabataan.
Nagpakasal sanday Celis kag Estopia ang isa kag isa sa isa ka engrande nga seremonya sa Shrine of St. Therese sa Newport, Pasay City sang Disyembre 13 sang nagligad nga tuig.
