NDRRMC gin-anunsyo ang balor P16.2 million nga danyos sa sektor sang agrikultura

Gin-anunsyo sang National Disaster Risk Reduction and Management Council (NDRRMC) nga nagsaka na sa masobra P16.2 million ang balor sang kahalitan sa sektor sang agrikultura bangud sa paglaslas sang bagyo Marce sa Pilipinas

Base sa pinakaulihi nga situational report sang NDRRMC, pinakaapektado amo ang Ilocos Region nga nadulaan sang produksyon nga yara sa kapin 795.82 metric tons bangud sang bagyo.

Bangud sini, apektado man ang ginabanta 1,640 ka mga mangunguma kag mangingisda.

Nagdangat naman sa P25,398,600 ang balor sang kahalitan sa imprastraktura sa Cagayan Valley.

Suno sa NDRRMC, yara na sa masobra P40 million nga bulig pinansyal ang ila napanagtag para sa mga apektado nga pamilya kag indibidwal.