Dako ang kalipay sang mga ginikanan, pamunuan sang eskwelahan, kag labi na sang mga bago nga nakapasar sa Medical Technologist Licensure Examinitaion. Ini ang nangin pahayag ni Ryan Pedrigosa, RMT, Program Coordinator sang MedTech Department sang Notre Dame of Marbel University (NDMU),
Sa interview sang Bombo Radyo Koronadal. Suno kay Pedrigosa, dako gid ang ila kalipay bagod na validate ang paningkamot kag pagpangabuglay sang mga estudyante sa ila preparasyon para sa board exam.
Dugang pa ni Pedrigosa, nga bisan madamo sang mga pagsulay nga ila naagyan lakip na ang pinansyal nga kabudlayan normal ini nga kabahin sang preparasyon para sa amo nga eksaminasyon.
Gindugang pa ni Pedrigosa, tatlo ka asud asud nga tuig nga nagalab-ot sa amo nga kadalag-an ang buluthuan. Sa subong nga Marso 2026 nga eksiminasyon, may 56 ka examinees halin sa NMDU kag tanan ini nakapasar.
Sa pihak ng bahin, ginpabutyag man ni Pedrigosa nga importante ang dedikasyon sa pagserbisyo sa healthcare sysytem, bangod dako gid nga kontribusyon sang medical technologists sa manpower sang sektor pangkalusugan.
