May isa na namang opisyal ng gobyerno na posibleng sampahan ng kaso ng National Bureau of Investigation (NBI) sa susunod na linggo, ayon kay NBI Director Melvin Matibag.
Hindi muna pinangalanan ni Matibag ang personalidad, ngunit sinabi niyang marami nang dokumento at ebidensya ang hawak ng ahensya na maaaring magsilbing basehan ng kaso.
Samantala, ngayong Setyembre 4, 2026, kinasuhan ng qualified human trafficking sina Batangas 1st District Rep. Leandro Leviste, dating Negros Oriental Rep. Jacinto “Jing” Paras at iba pa.
May kaugnayan ang kaso sa umano’y “honeytrap plot” na iniuugnay sa isang planong pag-target kay Executive Secretary Ralph Recto.
Ayon sa NBI, nagpapatuloy ang kanilang imbestigasyon habang sinusuri ang mga dokumento at iba pang ebidensyang maaaring magturo sa iba pang personalidad na posibleng managot.
