KORONADAL CITY – Na-trace na sang provincial government sang South Cotabato ang persona nga nagapalapta sang pamahog nga pagabombahan ang probinsiya kadungan sang selebrasyon sang 25th T’nalak festival kag 58th foundation anniversary.
Ini ang ginpahayag ni South Cotabato Governor Reynaldo Tamayo Jr. sa interview sang Bombo Radyo Koronadal.
Suno kay Governor Tamayo, ang facebook account nga Fahima Salik Tv ang nagapost sang mga pagpamahog sa probinsiya.
Ang nasambit nga account suno pa ang napa-cyber-crime na kag may resulta na ini.
Nakumpleto na suno pa ang detalye kag mga dokumento batuk sa nasabit nga persona.
Sa pagkamatuod ang nasambit nga indibidwal may karelasyon nga taga banwa sang Tupi kag nakilala naman ang mga persona nga nakaupod sini.
Na-trace man ang IP address kag location sang nasambit nga account kag natukiban nga nagikan pa ini sa capitol ground sang Sultan Kudarat.
Buot silingon,isa ka empleyado suno pa sang provincial government sang Sultan Kudarat ang nagatuga sang pagpamahog sa South Cotabato.
Ginagamit man suno pa sang nasambit nga persona ang UBJP kag MILF.
Sa liwat nagpaandam ang gobernador sa sin-u-man nga magtuga sang kagamo sa probinsiya nga magapanabat.
Apang sa pihak sini, ginpasalig sang gobernador nga wala sang dapat kabalak-an bangud gin-triple pa ang pagpatuman sang seguridad sa bug-os nga probinsiya sang South Cotabato.
