Opisyal na nga ginproklamar sang Sabado, Mayo 17, ang 12 ka nagdaog nga Senador sa May 12 nga national kag local elections.
Ginpangunahan sang Comelec ang seremonya, apang wala nakatambong si Sen. Kiko Pangilinan bangud sa graduation sang iya bata sa Amerika.
Ginhatagan sang tsansa ang kada Senador nga maghatag sang mensahe.
Ginpasidunggan ni Comelec Chairman George Erwin Garcia ang mataas nga voter turnout nga naglab-ot sa 82% pinakamataas sa kasaysayan.
Nagpasalamat man siya sa aktibo nga partisipasyon sang mga pamatan-on, nga may dako nga papel sa pagpili sang liderato.
Ginsiguro ni Garcia nga matinlo kag maayos ang eleksyon, bisan may pila ka isyu sila gina-atubang.
Bisan indi perpekto ang 2025 elections, nalipay siya nga wala sang major nga problema.
Sa katapusan, nagpanawagan siya sa mga bag-o nga Senador nga magbulig sa reporma para sa mas maayo nga mga masunod nga eleksyon.
