KORONADAL CITY – Ginpahugtan pa sang Surallah LGU ang ila nga pagbantay halin sa mga fish vendors nga nagasulod kag nagapalusot ang mga empleyado kag mga produkto sini pasulod sa ila nga banwa.
Sa interbyu sang Bombo Radyo Koronadal kat Surallah Mayor Antonio Bendita, Ginpahayag sini naalarma ini sang ginpahibalu sa iya ang isa ka barangay kagawad sa Brgy. Centralla nga nakasulod ang isda nga naabtan sang hard lockdown pakadto sa satellite market sa Barangay Poblacion.
Bangud diri,ginpaidalum sa hard lockdown ang nasambit nga satellite market kung sa diin naka – isolate na ang tag iya nga delivery truck makaligad nagpositibo sa Covid-19 kag nakabatyag sang mild symptoms nga balatian.
Madumduman nagpaguwa sang Executive order si Mayor Bendita nga natalana ang pipila ka mga medical requirements bag-o makasulod sa ila nga banwa.
