KORONADAL CITY – Masobra P30 Milyones Pesos (P30M) ang damyos nga ginbilin sang natabo nga pagpangsunog sang mga rebelde sang 8 ka heavy equipment nga ginapanag-iyahan sang John Marc construction supply sa 2 Sitio sa Barangay Hinalaan, Kalamansig, Sultan Kudarat.
Sa interbyu sang Bombo Radyo Koronadal kay Police Chief Insp. Ronnie Dardo, spokesperson sang Sultan Kudarat Police Provincial Office, 2 ka grupo sang New People’s Army ang nagpatigayon sang pagpangsunog.
Suno kay PCI Dardo, 5 sa 8 ka mga heavy equipment nga ginsunog ang totally damaged samtang partially damaged naman ang 3 sa mga ini.
Apang, nagakabalaka man suno pa ang mga opisyal sa nasambit nga lugar sa pagkadelatar sang construction sang dalan bangud sa ginhimo sang mga rebelde.
Extrotion naman ang nakit-an nga motibo sa pagpangsunog kun sa diin nakabaton suno pa sang sulat halin sa mga rmado ang nasambit nga construction company.
Kaugnay sini, nagbutang na suno pa sang dugang nga detachment sang mga suldado sa lugar agud nga masekyar nga indi na maliwat pa ang insidente.
Nagapadayon man ang pagpangita sang mga otoridad sa mga rebelde sa nasambit nga lugar.
