KORONADAL CITY – Nakabaton na sang relief assistance halin sa Department of Social Welfare and Development (DSWD) ang 62 ka mga boarders sang apat ka panalgan nga apartment nga narusdak matapos mag-igo ang Magnitude 7.8 nga linog, Lunes sang aga, sa Purok Hillside, Barangay Sta. Cruz, Koronadal City.
Ang nasambit nga edifisyo ang ginapanag-iyahan sang pamilya Ilao kun diin kalabanan sa mga boarders ang mga estudyante.
Suno sa DSWD Field Office 12, ang nasambit nga humanitarian assistance nagikan sa ila talatapan ang ginalakipan sang 1 ka Family Food Pack, 1 ka Hygiene Kit, 1 ka Family Kit, 1 ka Sleeping Kit, kag 1 ka Kitchen Kit agod masabat ang ila madasig nga kinahanglanon.
Kadungan sini, ginpasiguro man sang DSWD nga makabaton ang mga naapektuhan nga indibidwal sang dugang nga cash assistance bilang kabaylo sang padayon nga emergency response sang ahensya para sa mga biktima sang kalamidad.
Nahibaluan nga ang nasambit nga apartment sang pamilya Ilao ang isa lamang sa mga edifisyo nga naapektuhan sang mabaskog nga linog.
Kalakip man sa mga natabunan sang debris ang mga motorsiklo kag minivan.
