Masobra 200,000 ka indibidwal ang bag-o nga napahalin sa ila mga puluy-an sa Kordofan, Sudan bangud sang nagdugang nga kinagamo halin sang katapusan sang nagligad nga tuig, suno sa United Nations.
Nagapadayon man ang drone attacks batok sa importante nga water kag electricity infrastructure sa el-Obeid.
Suno sa IOM, nagdugang sang 25 porsyento ang displacement sa Sheikan district, nga nagalakip sa el-Obeid, sa sulod sang walo ka bulan.
Ang pag-atake sang RSF sa main power transformer sang syudad nagresulta sa pagkadula sang kuryente nga ginagamit sa water pumps, ospital kag communication lines.
Sa Blue Nile state, masobra 78,000 ka indibdiwal ang nagpalagyo man sa ila mga puluy-an, samtang 18,000 ang displaced sa West Darfur sa una nga tunga sang Agosto.
Sa North Darfur, mabaskog nga ulan kag pagbaha ang nakadaot sa halos 1,350 ka puluy-an kag nagpabakwit sang sobra 1,000 ka pamilya.
Nagumpisa ang kinagamo sa Sudan sang 2023 bangud sang power struggle sa tunga sang army kag Rapid Support Forces ukon RSF.
Suno sa UN, kapin 8.6 milyon ka indibidwal ang internally displaced kag sobra 4.2 milyon ang nagpalagyo sa mga nagapalapit nga pungsod.
Samtang, kapin 33.7 milyon ka indibidwal ang nagakinahanglan sang humanitarian assistance.
