KORONADAL CITY – Naglab-ot sa masobra sa 1,200 ka mga pumuluyo sang siyudad sang Koronadal ang nakabaton sang financial assistance paagi sa Kapos Ang Kita Program ukon AKAP halin kay Presidente Ferdinand Bong Bong Marcos Jr.
Ini ang inisyatibo ni South Cotabato 2nd District Representative Dr. Peter Miguel kun diin ginpanagtag ang ayuda sa mga benepisaryo sa Barangay Gym sang Brgy.Sto.Niño diri sa siyudad sang Koronadal.
Nagbaton ang mga benipisyaryo sang tag 3,000 pesos nga financial Assistance nga ginpangdistribwer sang Department of Social Welfare and Development (DSWD).
Nangin dinapit nga bisita si 4PS Party List Representative Jonathan Clemente ll bilang guest speaker kag gintumabungan man sang mga local officials sang siyudad.
Ang nasambit nga aktibidad ang ginpatigayon kadungan man sang 14th Tree Growing Festival sang Koronadal.
