KORONADAL CITY – Nagpahanumdom ang City Disaster Risk Reduction and Management Office (CDRRMO) sa tanan nga pumuluyo nga nagaistar sa flash flood kag landslide prone areas nga mangin preparado sa pag-abot sang La Nina phenomenon.
Ini bangud sa kada hapon kag kagab-i-hon na nga pagbuhos sang ulan.
Suno kay CDRRMO Cyrus Urbano, kinahanglan nga mangin elerto kag magbantay sa tanan nga tion agud mangin luwas sa pagbaha ukon landslide man.
![](https://img.bomboradyo.com/koronadal/2024/06/Flash-flood-1.jpg)
Gindugang pa ni Urbano nga may mga lugar nsa siyudad sang Koronadal nga yara sa low lying areas nga masami ginabaha kun mabaskog ang pag-ulan kag may mga lugar man nga prone sa pagkatiphag sang duta.
Gani sa tion nga naobserbahan sang mga resident nga delikado na ang ila lugar, indi na dapat magduha-duha sa pagbakwit ukon magsaylo sa mas luwas nga lugar agud mangin safe ang kabuhi sang kada pamilya.