Nagapati si Rep. Brian Raymund Yamsuan nga dapat hatagan na sang otoridad ang Department of Health (DOH) nga magdesisyon kun san-o kinahanglan dugangan ang bed capacity sang mga pampublikong ospital, imbes nga ipagi pa sa Kongreso.
Suno sa iya, makabulig ini nga mapadasig ang aksyon sa kakulangan sang hospital beds kag mapaayo ang serbisyo medikal.
Ginpahayag ni Yamsuan nga kun may gahum ang DOH mag-apruba sang pagdugang sang bed capacity, mas epektibo ini nga makahatag sang serbisyo sa publiko.
Nakasulod man ini sa Philippine Health Facility Development Plan (PHFDP) 2020–2040, nga naga-serbi bilang guide sa pamuhunan sang gobyerno sa health infrastructure.
Si Yamsuan amo ang co-author sang House Bill 1565 ukon DOH Bed Capacity and Service Capability Rationalization Act, kag plano niya ini nga i-refile sa masunod nga Kongreso bilang isa sa iya mga prayoridad.
