Niyanig ng magnitude 4.7 na lindol ang karagatang malapit sa Balut Island, Davao Occidental pasado alas-8:24 ng umaga nitong Hunyo 23, 2026, ayon sa mga awtoridad.
Tectonic ang pinagmulan ng pagyanig na naitala sa ilalim ng dagat. Bagama’t hindi ito nagdulot ng malawakang pinsala, naramdaman ang bahagyang paggalaw sa ilang lugar sa Mindanao.
Naitala ang Intensity III sa Maasim, Sarangani, habang Intensity I naman sa Lungsod ng General Santos, Kiamba at Malungon sa Sarangani, at sa T’Boli at Tupi sa South Cotabato.
Patuloy na minomonitor ng mga awtoridad ang sitwasyon para sa posibleng aftershocks at pinaalalahanan ang publiko na manatiling alerto at sumunod sa mga abiso ng mga disaster response agencies. Sa ngayon, wala pang naiuulat na pinsala sa tao o imprastraktura.
