KORONADAL CITY – Yara na sa maayo nga kondisyon sa subong ang mag-iloy sa pagtay-og sang 7.2 magnitude nga linog kaina sang kaagahon kun diin nabatyagan ang intensity 5 sa probinsiya sang South Cotabato.
Sa interbyu sang Bombo Radyo Koronadal kay Lake Sebu Mayor Antonio Fungan, minor injuries lamang ang naangkon nga pilas sang mag-iloy nga napilasan makaligad ang mabaskog nga linog kun diin nagpanic ang mga ini kag naguwa sa ila puluy-an.
Magluwas sa mga napilasan may nakita man nga mga litik na sa mga ginahimo nga housing project sa Barangay Poblacion banwa sang Lake Sebu.
Samtang, napagkit man ang landslide sa Barangay Lunen kadungan sang linog kag mabaskog nga ulan sa nasambit nga lugar.
Sa subong, padayon pa ang ginahimo nga monitoring sang MDRRMO-Lake Sebu sa damyos nga guintuga sang nasambit nga linog.
Kaangot sini, ginkumpirmar naman sang OCD-12 nga 2 lamang ang pilason sa South Cotabato base sa ginsumiter nga report sa ila.
Apang, nagpanawagan sa gihapon ang OCD sa mga pumuluyo nga maghalong kag kun may damyos pa nga natuga ang linog, makig-angot lamang sa ila nga talatapan.
