Linibo ka mga grupo ang nagprotesta sa lain-lain nga bahin sang France matapos mapili nga bag-o nga Prime Minister si Michel Barnier.
Ginataya nga naglab-ot sa 110,000 ang mga nagprotesta sang Sabado nga ginpangunahan sang grupong trade unions kag mga miyembro sang National Policy Forum (NPF) nga nagpahayag sang pagka-dismaya bangod ang ila kaugalingon nga kandidato para sa PM gin-reject ni President Emmanuel Macron.
Tutol man ang mga grupo sa ginpanukala ni Barnier nga bag-uhon kag ibahin ang estado sang gobyerno sa France.
Gintawag naman ni France Unbowed party, Jean-Luc Mélenchon, ang ginpatigayon nga protesta sang Sabado nga “For democracy, stop Macron’s coup”. Kag nagasinggit man sila sang “denial of democracy” kag “stolen election”.
Una na nga gin-reject ni Macron bilang PM si Castets bangod wala raw ini tsansa nga makasurvive o makakuha sang boto sa National Assembly.
Samtang, nagpahayag naman sang hinanakit si socialist Paris Mayor Anne Hidalgo nga dapat daw ginconsiderar ang pagpili kay dating socialist prime minister, Bernard Cazeneuve, pero gin-tanggi man ni Macron bilang miembro sang iya partido.
