KORONADAL CITY- Nagapadayon ang imbestigasyon sang Tantangan PNP sa nagluntad nga pagluthang patay sa isa ka lalaki sa bahin sang Bukay Pait, Tantangan South Cotabato.
Sa ekslusibo nga interbyu sang Bombo Radyo Koronadal kay Bukay Pait, Tantangan Brgy. chairman Jose Osorio Jr., ginkilala ang biktima kay Nasruddin Alladin yara sa legal nga pang edaron nga nasapwan na lang sa higad sang creek nga nagahamyangon kag duguon.
Sa inisyal nga imbestigasyon, nakaangkon ini sang igo sang bala sa wala kag kilid nga bahin sang iya nga lawas nga kabangdanan sang iya kamatayon.
Posible nga gin usar ang 12 gauge shot gun sa biktima samtang narekober sa crime scene ang isa ka motorsiklo.
Sa subong padayon pa nga ginahibalo ang identity sang mga suspek sa nasambit nga krimen.
