Ginsuportahan ni Senador Panfilo “Ping” Lacson ang pag-isyu sang warrant of arrest batok sa anay House Speaker Martin Romualdez may kaangtanan sa kontrobersiya sa mga flood control project.
Suno kay Lacson, ang pag-arestar kay Romualdez isa ka pamatuod nga nagahimo sang tikang ang administrasyon sa pag-atubang sang kontrobersiya sa mga proyekto para sa flood control.
Suno sa senador, dapat na untaton ang mga kritisismo batok kay Presidente Ferdinand Marcos Jr. nga ginakabig nga maluya ang pagpangobyerno kag kulang sa determinasyon sa pag-atubang sang isyu sa flood control projects.
Ginpahayag man ni Lacson ang iya pagdayaw sa Office of the Ombudsman sa pagpatigayon sang imbestigasyon kag ginawhag ang publiko nga suportahan ang amo nga institusyon.
Gindayaw man niya nga may kahigayunan na ang anay Speaker nga atubangon sa korte ang mga alegasyon batok sa iya kag ipresentar ang iya depensa, suno sa prinsipyo sang due process.
Para kay Lacson, dapat tugutan nga magpadayon ang trial kag ang mga ebidensya amo ang magapakita sang kamatuoran sa kaso.
