Ginpaambit ni Kris Aquino ang isa ka bag-o nga hangkat sa ikaayong lawas kasunod sang isa ka operasyon, nga gintunaan sang pagtukib sang isa pa ka balatian nga autoimmune nga nagatuga sang iya nga mabatyagan ang pila ka mga sintomas.// Sa isa ka Social Media post, ginpaathag sang aktres nga ang iya hinali nga paguntat sa paghatag sang mga health updates bangud sa tuman nga kasakit nga iya gina-eksperyensyahan, subong man sang indi maayo nga resulta halin sa pila ka mga health test.// Suno kay Kris, may mga tiun nga lima ka adlaw siya nga bedridden bangud sa kasakit. Gindugang sini nga ang iya kakulang sang mga post kag reels sa social media isa ka patimaan nga nagakinahanglan siya sang dugang nga pangamuyo kag suporta.// Sa pihak sang iya kondisyon, nagapabilin nga resilient si Kris kag padayon nga nagapakigbato para sa kaayuhan sang iya mga kabataan nga sanday Josh kag Bimby. Ginpabutyag niya ang iya handum nga magpabilin sa ila tupad samtang ginahanda ang iya kamanghuran nga anak nga lalaki para sa malawig nga responsibilidad sa pag-atipan sa iya magulang nga lalaki.// Samtang, ginalauman ni Kris nga mabaton ang iya ikatlo nga pagtughong sang isa ka biologic immunosuppressant sa tion nga makuha na ang mga tahi halin sa iya operasyon.// Nagpabutyag man ini sang iya pagpasalamat sa mga padayon nga nagapangamuyo para sa iya kag nagahatag sa iya sang kusog sa tunga sang tanan nga iya gina-agyan.=-=-=-=-=-=-=-=-=-=-=-=-=-=-=-=-=-=
