Nagbalik sa screen si Kris Aquino matapos ang pila ka tuig, apang indi mahapos ang iya comeback bangud sa iya ginapakigbato nga mga autoimmune disease.
Sa bag-o nga campaign sang isa ka online streaming platform, nagdala si Aquino sang papel bilang C.H.I.K.A. ukon Chief Head of Insight and Kontent Analysis.
Suno sa content creator nga si Mama Loi, naghubag ang mga tiil kag tuhod ni Aquino bangid sa rheumatoid arthritis samtang nagashoot.
Mas nangin mabudlay ang iya kahimtangan sang makabatayag na siya sang kakapoy, apang wala gihapon siya nagreklamo.
Bisan may kasakit kag kakapoy, nagpabilin si Aquino nga propesyonal kag positibo sa atubang sang camera.
Para kay Mama Loi, isa ka inspirasyon ang pagbalik ni Aquino sa screen bisan ginatubang niya ang mabudlay nga kondisyon sa lawas.
