-- ADVERTISEMENT --
Nagpangayo sang bulig sa iya kasubong nga mga artista ang komedyante nga si Romeo “Romy” Pastrana ukon mas kilala bilang si Dagul.
Suno sa iya, ginaatubang niya ang mabudlay nga sitwasyon sa kabuhi, ilabi na sa bahin sang pinansyal bangud sa kakulang sang mga proyekto.
Ginpaathag sang 66-anyos nga komedyante nga nag-ayo na ang iya kahimtangan sa panglawas kumpara sang nagligad nga tuig nga pirmi siya ginadangat sa balay-bululngan.
Lakip sa iya mga gin-mentionar nga balatian amo ang sleep apnea kag problema sa baga, samtang ginabantayan man ang iya kidney.
Bangud sini, nagpanawagan siya sang bulig ukon proyekto sa kasubong niya nga mga artista kasubong nanday Julia Montes, Coco Martin, kag iban pa.
