Gina-imbestigaran sang pulisya sa Australia ang US pop star nga si Katy Perry may kaangtanan sa alegasyon sang sexual assault nga ginpasang-at sang Australian actress nga si Ruby Rose.
Gin-alegar ni Rose nga nagluntad ang insidente sa isa ka nightclub sa Melbourne mga 2010, kag ginpahayag niya ini sa social media antes niya gin-delete ang mga post.
Gindugang pa niya nga natapos na niya ang formal nga report sa pulisya gani indi na siya mahimo magkomento pa.
Gin-kumpirmar sang Victoria state police nga may ginahimo sila nga imbestigasyon sa isa ka “historical sexual assault” sa Melbourne sang 2010, apang wala sila nagpaguwa sang pangalan sang ginareklamo kag wala pa nagahatag sang dugang detalye bangud sa padayon pa ang kaso.
Sa pihak nga bahin, ginpanginwala man sang representante ni Perry ang alegasyon, kag ginpahayag nga ini “hindi matuod” kag ginpunto man nila nga may history ang nagreklamo sa pagpasang-at sang kasubong nga seryoso nga akusasyon nga gin-deny sang iban nga respondents.
