Nagdesisyon si Sophia Laforteza, isa sa mga miyembro sang global girl group nga KATSEYE, nga magpahuway anay sa iya mga aktibidad bilang miyembro sang grupo.
Suno sa ila management, ginhimo ini nga desisyon agud mahatagan sang prayoridad ang mental health ni Sophia.
Padayon man ang suporta nga iya nabaton matapos ang konsultasyon sa mga medical experts.
Bisan pa luyag ni Sophia nga makaupod sa mga performance sang grupo, nagdesisyon ang management nga indi anay siya updon sa mga concert kag iban pa nga aktibidad.
Samtang, ginpasalamatan man sang management ang mga fans sang KATSEYE nga ginatawag nga EYEKONS bangud sa ila paghangop kag padayon nga suporta sa grupo.
Sa iya social media account, ginpahayag ni Sophia nga nasubuann siya bangud sa iya desisyon nga magpahuway anay, apang kinahanglan niya ini para mahatagan sang tion ang iya kaugalingon nga makapahuway.
Suno sa iya, indi mahapos ang paghimo sang amo nga desisyon, apang kinahanglan niya unahon ang iya kahimsog kag kaayuhan.
