Kahalitan sa agrikultura sa paglaslas ni Bagyo Julian nagdangat tunga ka bilyon

Nagdangat na sa masubra tunga sa bilyon ang ginbilin nga kahalitan sa sektor sang agrikultura sang paglaslas sang Bagyo Julian sa pungsod.

Suno sa Department of Agriculture (DA) naglab-ot na sa P551.81 milyon ang kahalitan 15,296 ektarya sang mga talamnan sa Ilocos Region, Cagayan Valley, kag Central Luzon.

Kalakip sa mga naapektuhan suno pa sa DA amo ang mga humayan, kamaisan, high-value crops, livestock kag poultry, kag irrigation facilities.//Naglab-ot naman sa 29,734 nga mga mangunguma ang apektado.

Nagalaum naman ang DA nga madugangan pa ang mabalhag nga kahalitan sa amo nga sektor.