Posible nga manginahanglan ang Department of Agriculture (DA) sang dugang nga mga P40 bilyon nga pondo kun magpadayon ang krisis sa gatong.
Suno kay Agriculture Secretary Francisco Laurel Jr., limitado lang sa karon ang pondo sang ahensiya, nga may P150 million para sa fuel subsidy kag P10 billion halin sa Presidential Assistance to Farmers and Fishermen.
Para sa abono, ginabulubanta nga magkinahanglan pa sang mga P30 billion, samtang nagapahayag ang kalihim nga ang ila pondo para diri yara na sa katunga.
Ginadugang pa sang DA nga kinahanglan man nila sang P20 billion para sa mga manug-uma sang humay kag P10 billion para sa suporta sa mga manugpangisda agud mabuligan ang mga sektor nga apektado.
Antes sini, ginabuubanta sang ahensiya nga posible mag-abot sa 20% ukon mga duha ka milyon ka metriko tonelada ang mahimo nga kalugian sa produksyon sang agrikultura bangud sang epekto sang krisis sa gatong.
