Igapatawag sang National Bureau of Investigation (NBI) ang apat ka abogado nga gin-angot sa ginapatihan nga “honeytrap” ukon plano nga pag-frame up batok kay Executive Secretary Ralph Recto agud mag-atubang sa ahensya sa Agosto 14.
Wala ginpangalanan ni NBI Director Melvin Matibag ang apat ka abogado, apang ginpahayag niya nga halin sila sa kasubong nga law firm sa Ortigas Center.
Suno sa iya, amo ini nga mga abogado ang nagpreparar sang mga affidavit para sa ginapatihan nga plano.
Ginpahayag man ni Matibag nga dako nga mga personalidad ang mga kliyente sang amo nga mga abogado.
Duha sa ila ang kilala kag senior partners na sa ila kumpanya, samtang ang duha pa ang mga bag-o pa lang sa propesyon.
Una na nga ginpadal-an sang NBI sang subpoena sanday anay kongresista Jing Paras kag kongresista ginaangot naman sa ginapatihan nga destabilization plot batok kay Recto.
Nahibaluan nga may pila ka indibidwal nga nasalbar sang NBI sa ginpatigayon nga entrapment operation.
Suno sa mga ginatawag nga biktima, gin-endorso suno pa sila ni Paras sang bayad agud maghimo sang istorya kag magpirma sang affidavit kabaylo sang kwarta.
Apang ginpanginwala naman nanday Leviste kag Paras ang mga akusasyon batok sa ila.
