Naghina na ang bagyong Josie kag karon isa na lamang ka Tropical Depression samtang padayon nga gina-monitor sa sulod sang Philippine Area of Responsibility (PAR).
Ulihi nga nasiplatan ang sentro sang Josie sa kalayuon nga 1,070 kilometros sidlangan sang Luzon.
Angkon sini ang kusog sang hangin nga 45 kph malapit sa sentro kag pagmadlos nga tubtob 55 kph. Nagahulag ini sa direksyon nga Naaminhan-Naaminhan Nakatundan sa kadasigon nga 25 kph.
Samtang, isa ka Low Pressure Area (LPA) ang ginabantayan karon sa gwa sang PAR.
Makit-an ini sa kalayuon nga 820 kilometros sidlangan sang Northern Luzon kag may medium chance nga mangin tropical depression sa sulod sang masunod nga 24 oras.
Nagpahanumdom ang mga eksperto nga padayon nga mag-monitor sa mga abiso kag paandam tuhoy sa kahimtangan sang panahon, ilabi na sa mga lugar nga mahimo maapektuhan sang ulan kag pagbaha.
