Nakasulat na sa Guinness World Records ang ngalan sang Japanese violinist kag nars nga si Manami Ito matapos mangin una nga violinist nga nakatukar gamit ang bug-os nga artipisyal nga butkon.
Ang 42-anyos nga si Ito nalakip sa Guinness World Records 2027 bangud sang iya talagsahon nga abilidad, nga iya ginpakita sa isa ka komperensya sa medisina sa Kobe, Japan, sang Agosto 5, 2012.
Nadula ang iya tuo nga butkon sa aksidente sa dalan sang 2004, nga nangin kabangdanan sang iya pagpati nga indi na niya mapadayon ang pagtokar sang violin nga iya ginahigugma halin pa sang pagkabata.
Apang, paagi sa pinasahi nga ginhimo nga artipisyal nga butkon kag pagpalig-on sang iya iloy, natun-an niya liwat ang pagtokar.
Dugang pa ni Ito, isa sa nagtulod sa iya nga magpadayon amo ang saad niya sa iya iloy nga magtokar liwat sang violin para sa iya.
