Nag-isyu sang immigration lookout bulletin order (ILBO) batuk kay anay presidential spokesperson Harry Roque kag sa 11 ka iban pa may kaangtanan sa ginsalakay nga Philippine Offshore Gaming Operator (POGO) hub sa Porac, Pampanga.
Suno sa Department of Justice (DOJ), bangud sa posiblidad sang pagpasaka sang panumbungon sa mga natungdan kag ang pagtutok sang atensyon sang publiko sa nasambit nga isyu, posibli magpalagyo ang mga ini padulong sa luwas sang pungsod agud indi na malab-ot sang kamot sang mga otoridad.
Para naman kay Atty. Roque, isa ka pagpang-harass ang amo nga tikang batuk sa iya. Makabig ini suno pa sa abogado nga “political witch hunt” nga may katuyuan nga mapahipos ang mga kritiko sang administrasyon.
Ginpanindugan man sini nga wala siya sang rasun agud magbiya sa pungsod kag handa atubangon ang mga naga akusar batuk sa iya.
