Wala ginpaboran sang Sandiganbayan Second Division ang hingyo ni Senator Jinggoy Estrada nga ibasura ang kaso nga graft batuk sa iya sa gina-alegar kickback halin sa flood control projects bangud sang kakulangan sang merito.
Ini natabo matapos gin-reject sang anti-graft court ang argumento ni Estrada nga ginlapas ang iya kinamatarong sa due process sang ginpasaka batuk sa iya ang plunder kag graft cases.
uno kay Sandigabayan Second Division chairperson kag Presiding Justice Geraldine Econg, ini bangud na-contest ni Estrada ang adverse findings sang Department of Justice (DOJ) paagi sa counter affidavit.
Bangud wala sang ground agud mapunggan ang arraignment sang akusado, magapadayon ang korte sa arraignment nga isa ka proseso kun sa diin, maga-enter sang plea ang akusado sa ginakaso batuk sa iya.
Nagtambong si Estrada sa arraignment sa Sandiganbayan Second Division paagi sa video conferencing.
Antes sini, ginrekomendar sang DOJ ang pag-file sang criminal charges batuk kay Estrada may kaangtanan sa flood control scandal. Ini nga rekomendasyon gin-adoptar sang Ombudsman prosecutors nga nag-file sang kaso sa Sandiganbayan.
Bilang resulta sang denial sang iya motion nga mag-quash, nagpamalibad si Estrada nga mag-enter sang plea sa graft case.
Bangud nagpamalibad si Estrada nga mag-plea, gin-enter sang korte ang not guilty plea para sa senador, nga na-detain sa New Quezon City Jail bangud sang plunder may kaangtanan sa flood control scandal.
