Nagpakita sang suporta sa boluntaryo nga pagdonar sang dugo si Francis Dave Castro Mayor, residente sang Zone 1, Koronadal City, paagi sa iya ikatlo nga blood donation sa ginpatigayon nga Dugong Bombo 2026 sang Bombo Radyo Koronadal.
Sa interview sang Bombo Radyo Koronadal, ginpahayag ni Castromayor nga sang tuig 2022 pa ang iya ulihi nga pagdonar sang dugo kag nalipay siya nga liwat nakapartisipar sa aktibidad agud makabulig sa mga pasyente nga nagakinahanglan sang blood transfusion.
Dugang pa niya, isa sa mga benepisyo sang blood donation amo ang pag-replenish sang dugo sa lawas, samtang isa man ini ka paagi agud makaluwas sang kabuhi sang iban. Ginpahayag man niya nga duha sila tani sang iya pamilya ang magdonar, apang ang isa nila ka kaupod wala nakapartisipar bangud may gina suprehere nga balatian.
Gin-agda man ni Castromayor ang iya mga abyan kag kakilala nga magdonar sang dugo kag magsuporta sa mga kaangay nga aktibidad agud mangin kabahin sa pagbulig kag pagluwas sang kabuhi.
