Ginaplano sang House Prosecution panel nga tuluyan na nga tapuson ang presentasyon sini sa Article 1 sang impeachment complaint batok kay Vice President Sara Duterte sa Setyembre 9.
Ang nasambit nga artikulo nagaangot sa maanomalya nga paggamit sang confidential kag intelligence funds sang Office of the Vice President kag Department of Education sa idalom sang pagpanguna ni Duterte.
Apang suno kay Rep. Gerville Luistro, posible gihapon nga magdepende ang target nga petsa sa mga stipulation ukon kasugtanan sang defense team ni Vice President Sara Duterte.
Suno sa lead prosecutor, nahangpan sang House panel ang handum sang Senado nga mapadasig ang impeachment trial, gani padayon sila nga nagapangita sang mga pamaagi agud mabuligan ang korte sa pagpadayon sang paglilitis.
Una na nga natapos sang House panel ang Article 4 ukon threat article sa sulod lamang sang anum ka minutos.
