Ginpahayag sang isa ka House spokesperson nga posible nga may mga miyembro sang prosecution panel sa impeachment trial ni Vice President Sara Duterte nga magbiya sa ila katungdanan bilang prosecutor kag magserbi na lang bilang spokesperson sang panel.
Ini matapos ginpahayag ni trial presiding officer Francis Escudero nga istrikto nga ipatuman sang Senate impeachment court ang sub judice rule, nga nagadumili sa mga abogado sang duha ka partido nga maghisgot sa merito sang kaso nga ginadumala pa.
Ginpahanumdum liwat ni Escudero ang mga partido nga magtalana sang spokesperson nga indi man magsilbi bilang counsel sa trial. Suno sa iya, may pila na ka posible nga paglapas sa sub judice rule bisan pa ginpahanumdom na niya ang mga partido.
Suno kay Rep. Zia Alonto Adiong, isa sa mga spokesperson sang House prosecution panel, ginatalakay na sang prosecution team ang posibilidad nga may mga prosecutor nga magbitiw sa ila posisyon kag mag-focus bilang spokesperson.
Posible man, suno sa iya, nga dugangan pa ang mga spokesperson sang panel.
Samtang, ginpahayag ni Rep. Renee Co, isa man ka House prosecution spokesperson, nga magsunod ang prosecution sa ruling sang korte kag dapat ini nga mga pagsulundan mag-aplikar sa tanan nga partido sa kaso.
