Ginbasura sang House Committee on Justice ang motion para buksan ang BIR box nga nagaunod sang tax records ni Vice President Sara Duterte kag sang iya bana nga si Atty. Manases Carpio.
Sa nagapadayon nga impeachment hearing, anom (6) lang ang nagpabor sa motion, samtang 38 ang nagkontra, kag wala sang nag-abstain.
Ang motion nagatuhoy sa pag-verify sang mga alegasyon batok sa mag-asawa, lakip na ang unexplained wealth.
Nagpahayag naman ang mga nagkontra sa mosyon nga ang pagbukas sang tax records nagalapas sa privacy rights kag wala pa sa husto nga legal nga proseso.
Samtang ang mga nagpabor nagapahayag nga importante ang transparency kag accountability sa mga opisyales nga apektado sang seryoso nga alegasyon.
Ang House plenary ang magapadayon sa mga susunod nga hakbang sa impeachment proceedings.
