Ginakabig gihapon ni Senadora Risa Hontiveros nga kaalyado sa Senado sanday Senator Bam Aquino kag Kiko Pangilinan, bisan ara sila sa majority bloc.
Gusto man ni Hontiveros nga palig-onon ang oposisyon sa Senado, ginpahayag niya nga nagapabilin nga kaupod niya ang duha, upod ang pila ka kongresista sa Kamara.
Prayoridad niya subong nga palig-onon ang oposisyon sa guwa sang Senado bilang miyembro sang minority bloc.
Suno pa kay Hontiveros, pareho gihapon ang ila mga panan-aw ni Aquino kag Pangilinan sa importante nga mga isyu.
Ginpabutyag niya nga pirme nagsuporta ang duha sa joint resolution sang minority bloc nga nagapanawagan nga himuon nga bukas sa publiko ang bicam deliberations sa national budget.
Ginpahayag man ni Hontiveros nga proud siya nga kabahin sang minority bloc sa idalom ni Senate Minority Leader Vicente Sotto.
Sa ulihi, ginpahayag niya nga mabinungahon ang ila una nga meeting kag determinado sila nga mag-fiscalize bilang check and balance sa Senado.
