KORONADAL CITY- Yara na sa kustodiya sang mga otoridad ang isa ka negosyante nga nadakpan sa akto nga nagabaligya sang peke kag smuggled nga sigarilyo sa banwa sang Tboli, South Cotabato.
Ginkilala ni Police Major Hezron Parangan, hepe sang Tboli PNP ang suspek nga si Saipoden Gulac Comayog, yara sa legal nga edad kag residente sang Purok Lugan 3, Baranbay Poblacion sa nabanggit na banwa.
Suno kay Parangan, naaktuhan nga nagabaligya sang nagalab-ot sa 250 ka reams sang mga assorted brands sang smuggled nga sigarilyo si Comayog sa atubangan mismo sang iya nga panimalay.
Una diri may nagreport usuno pa sa kapulisan nga may nagabaligya sang mga peke kag smuggled nga sigarilyo rason nga nagpatigayon sila sang operasyon kag didto naaktuhan ang suspek.
Ginpasakaan naman sang kaso nga paglapas sa RA 10863 ukon Customs Modernization and Tariff Act ang suspek.
Nagapanawagan naman ang kapulisan sa mga pumuluyo nga gilayon isugid sa kapulisan ang sin-u-man nga makita nila nga nagabaligya sa ilegal nga sigarilyo agud nga madakpan gilayon ang mga ini.
