Ginpaklaro ni Sultan Kudarat Governor Datu Pax Ali Mangudadatu nga wala ginapasa sa iban nga consumers ang wala nabayaran nga bayranan sa kuryente sang ila mga kapitbahay, kasunod sang mga pamangkot bahin sa system loss kag unpaid bills.
Ginpahayag ni Gov. Mangudadatu nga nakaistorya na niya ang mga representante sang South Cotabato Electric Cooperative I (SOCOTECO I) kag ginpasiguro sa iya nga kontrolado ang sitwasyon kag padayon ang pagmonitor sini.
Madumduman nga nauna na nga ginpahayag ni South Cotabato Governor Reynaldo S. Tamayo Jr. sa Governor Meets the Press ang isyu may kaangtanan sang power supply kag electricity consumption sa Lutayan.
Ginpamangkot ang gobernador kun ano ang mangin tikang niya sa isyu nga wala suno pa nagabayad ang iban nga pumuluyo sa Lutayan sang kuryente kag indi ang ginabaydan sang mga taga SOuth Cotabato.
Suno kay Gov. Tamayo, kinahanglan tan-awon ang isyu base sa responsibilidad sang electric cooperative kag sang lokal nga panguluhan sa ila mga consumers.
Gindugang niya nga importante ang husto nga paghangop sa mga isyu nga may kaangtanan sa serbisyo publiko antes maghimo sang nagakaigo nga tikang.
Samtang, ginpahanumdom sang gobernador sang Sultan Kudarat nga kinahanglan mangin klaro sa publiko ang sistema sang pagsukot kag pagdumala sang balaydan sa kuryente agud malikawan ang pagduda kag kalibugan sa tunga sang mga consumers.
