Nakaeksperyensya sang back-to-back loss ang Gilas Pilipinas Women sa FIBA 3×3 Women’s World Cup.
Una nga napaslawan ang Philippine team batok sa Latvia, sa iskor nga 11-14 sa opening game sang Pool C sang nasambit nga torneyo.
Natinguhaan pa sang team nga makakuha sang 5-2 advantage sa una nga bahin sang hampang apang madasig nga nakabawi ang Latvian team pinaagi sang isa ka dominante nga 12-1 run.
Sa liwat nga man nga nagbalos ang Gilas kag nabuhinan ang advanatage sang kontra nga grupo sa iskor nga 13-10 apang napaslawan sa gihapon ang comeback effort sang hubon.
Sa madason nga hampang sang Gilas Women, napaslawan man ini batok sa Team Germany, sa iskor nga 10-22.
Gindomina sang No. 6 seed ang Gilas kag wala na ginpahanugutan ang PH team sang bisan ano nga higayon agud makabawi.
Atubangon sang PH team ang China kag Italy sa subong nga adlaw, Hunyo 3 sa nagapadayon nga elimination games.
Una nga nakakuha sang FIBA 3×3 Women’s World Cup ticket ang Pilipinas matapos sini nga ginlutos ang Team Singapore sa qualifiers.
Sa karon, uyat sang Gilas ang pinakamanubo nga puwesto sa Pool C bangud sa duha ka asod nga pagkalutos.
