Nagpabutyag sang alegasyon ang actress nga si actress Gee Canlas batok sa naeksperyensyahan niya nga pisikal nga pagpang-abusar halin sa iya anay bana nga si actor Archie Alemania sa pila ka insidente sang ila relasyon.
Nag-alegar ang aktres nga ginlampusan siya ni Alemania sang tumbler sa kilid sang iya ulo kag sa likod sang iya dalunggan matapos sang isa ka pag-inaway.
Nag-alegar man siya nga nabali ang duha niya ka ribs bangud sa isa pa ka insidente sang pag-inaway.
Suno kay Canlas, gintiklod kag ginsumbag man siya ni Archie sang gintinguhaan niya ini punggan sa paghalin.
Ginpahayag niya nga nadulaan siya sang ginhawa bangud sa gin-alegar nga pagsumbag.
Nag-alegar man si Calas nga ginbasol pa siya ni Alemania sa baylo nga mangayo sang pasaylo pagkatapos sang insidente.
Nagdesisyon si Canlas nga maghambal sa publiko matapos niya makita ang interview ni Alemania bahin sa ila pagbulagay kag nabatyagan nga may pila ka pahayag ini nga indi ensakto ukon kulang sa konteksto.
