Ginpahayag sang anay beauty queen nga si Miriam Quiambao nga madami ang naeksperyensyahan niya nga pagbag-o sa iya kabuhi pagkatapos sang Miss Universe 1999.
Ini matapos ang masobra 25 ka tuig matapos siya gindeklarar nga first runner-up sa Miss Universe 1999.
Suno kay Quiambao, madamo ang nagbag-o matapos siya magsulod sa showbiz apang nabatyagan niya nga wala sang kahulugan ang iya kabuhi bisan pa sa iya kasikatan kag kadalag-an.
Pagkatapos sang lima ka tuig sa industriya, nagdesisyon si Miriam nga magpakasal kay Claudio Rondinelli, apang natukiban niya nga indi amo ang ginahandom niya sa kabuhi.
Ginpahayag pa ni Quiambao nga bisan may kwarta kag manggad, nabatyagan niya nga nagakasubo siya sa iya married life.
Nag-updanay sila sulod sang 5 ka tuig kag nagdesisyon nga mag divorce sang 2004.
Nagpakasal si Quiambao kay Eduardo “Ardy” Roberto Jr., sang 2014 kag may duha sila ka mga kabataan nga mga lalaki, kag isa ka bata halin sa una nga kasal sang iya bana nga si Roberto.
