Ginkoronahan ang Filipina beauty queen nga si Lyndzy Blyss Plata Maranan bilang Miss Global Universe 2026 matapos niya madaog ang international pageant nga ginhiwat sa Singapore.
Madumduman nga nauna na nagdaog si Maranan sang titulo nga Mutya ng Pilipinas 2025 – Luzon, ang nagsunod kay Quinty Verhoeve sang Netherlands bilang bag-o nga Miss Global Universe.
Sa iya social media post sang Hulyo 12, nagpasalamat si Maranan sa tanan nga naghatag sang suporta kag paghigugma sa iya sa bug-os nga kompetisyon.
Ginlutos ni Maranan ang mga kandidata halin sa nagkalain-lain nga pungsod, samtang si Vanessa Hoong sang Singapore ang nangin first runner-up.
Samtang, nakuha sang Hong Kong ang second runner up, samtang ang Belgium kag New Zealand ang nangin third kag fourth runner-up.
