Nagapadayon nga mataas ang presyo sang gatong kag pila k amga nagapanguna nga baraklon sa Estados Unidos bangud sa nagapadayon nga tensyon sa Middle East.
Ini ang nangin pahayag ni Peter Arvin Jabido – Bombo International News Correspondent to USA, sa interview sang Bombo Radyo Koronadal.
Suno kay Jabido, nagapabilin ang mataas nga inflation sa US bangud sa padayon nga kinagamo sa Middle East.
Sa pihak sini, ginpangabay ni Jabido nga mangin madinalag-on ang igapatigayon nga negosasyon sang US-Israel kag Iran agud dayon nga ma-untat ukon magtakop ang kinagamo sa nasambit nga rehiyon.
Gindugang pa ni Jabido nga apisar may yara sang dako nga suplay sang gatong ang Estados Unidos, may yara lang sa gihapon sang dako nga halit sa publik ilabi na sa mga nga-retire ukon manug retire subong nga bulan bangud apektado ang ila pension fund.
Bangud sini, suno kay Jabido, nga posible magapadul-ong sa economic crisis ang pungsod kun magapadayon pa ang tensyon sa Middle East.
