KORONADAL CITY – “Erroneous ordinance”, ini ang paglaragway ni outgoing Vice Governor Vicente “VIC” De Jesus sa ginpasar nga ordinansa sang mga kaupdandn sa Sangguniang Panlalawigan nga naga-amiyendar sa Environment Code sang South Cotabato partikular na sa pagkakas sang ban sa open pit mining.
Sa ginpatigayon nga session sang Sangguniang Panlalawigan subong nga adlaw, wala malikawan ni De Jesus ang magpautwas sang kalain sang buot sa mga kaupdanan sini sa SP nga nagboto-pabor sa ordinansa kag wala man lamang sang pag-kwestiyon kag pag-isa-isa kun ngaa nagpabor sila.
Makapila ka beses man nga nagpatigayon sang “recess” bangud sa pagsinabtanay sang mga katapu sang SP kun bala e-adoptar ang Minutes sang Session sang tinalikdan nga Lunes ukon bag-u-hon ini.
Nagdepensa naman si Board Member Hilario De Pedro V1, main author sang ordinansa sa natabo sang lunes kag ginatindugan ang ila nga ginhimo nga pagpabor kag pag-adoptar sang report sang komitiba sini.
Mangin si Board Member Noel Escobillo ang nakigbais man nga dapat suno pa mabatian ang ila mga rason kun ngaa nagpabor sila.
Madumduman nga ang mga Board Members nga nagboto pabor agud malift ang ban sang open pit mining sa probinsiya amo sanday Board Member Hilario De Pedro VI, Board Member Edgar Sambog, Board Member Dardanilo Dar, Board Member Henry Ladot, Board Member Antonio Fungan, Board Member Eamon Gabriel Matti, Board Member Noel Escobillo, Board Member Rose Achurra, Board Member Rolando Malabuyoc kag Board Member Alaisa Falle samtang nangin presiding officer naman si Board Member Gly Mariano-Trabado.
