Ginapaabot sang Philippine Atmospheric, Geophysical and Astronomical Services Administration (PAGASA) nga may duha tubtob apat ka bagyo nga magsulod ukon mabuo sa Philippine Area of Responsibility (PAR) sa sini nga bulan sang Hulyo 2026.
Suno sa state weather bureau, padayon nga mangin aktibo ang southwest monsoon ukon habagat, nga magadala sang tagsa-tagsa ka mabaskog nga pag-ulan, ilabi na sa mga kasadpang bahin sang Luzon kag Visayas.
Ginpahayag man sang PAGASA nga ang una nga bagyo sa sini nga bulan amo si Henry, nga naghalin sa isa ka low pressure area antes ini nangin isa ka ganap nga bagyo sang kaagahon sang Miyerkules.
Samtang, ginapaabot pa ang pagsulod sang masunod nga mga bagyo nga pagatawgon nga Inday, Josie, kag Kiyapo, nga posible makaapekto sa Eastern Visayas kag Luzon ukon magapalig-on pa sang epekto sang habagat sa nagkalain-lain nga bahin sang pungsod.
Bangud sini, padayon nga ginapahanumdom sang PAGASA ang publiko nga magpabilin nga alerto kag mag-amping batok sa posible nga pagbaha kag pagguho sang duta nga mahimo idulot sang padayon nga pag-ulan sa masunod nga mga adlaw.
