Napatay ang duha ka piloto matapos magbangga ang isa ka Air Canada Express nga eroplano sa isa ka fire truck sa runway sang LaGuardia Airport sa New York sang gab-i sang Marso 22, 2026.
Nagluntad ang insidente samtang nagahugpa ang Flight AC8646 halin sa Montreal, nga ginapadalagan sang Jazz Aviation.
Sakay sang eroplano ang 72 ka pasahero kag apat ka crew sa diin nakaluwas ang tanan, bisan pa may pila nga nakabaton sang minor injuries.
Gilayon naman nga ginsarado ang pahugpaan kag nagpagwa sang ground stop ang Federal Aviation Administration (FAA), nga nagresulta sa pagkansela ukon pag-divert sang sobra 500 ka flights padulong sa JFK kag Newark airports.
Tuman nga naguba ang cockpit sang eroplano, samtang ginaimbestigaran sang FAA kag National Transportation Safety Board (NTSB) kun ngaa ara ang fire truck sa runway sa tion sang paghugpa.
Ang trahedya naghatag sang dako nga pagdelantar sa nilibo nga mga pasahero kag ginkonsiderar nga isa sa mga pinkalala nga insidente sa LaGuardia sa nagligad nga mga tuig.
Padayon ang imbestigasyon agud matumod kun operational error, miscommunication, ukon iban pa nga kabangdanan ang nagdala sang banggaan.
