Duha ka drug suspects, naaresto sang kapulisan; 15 ka sachet sang shabu, nakumpiska

KORONADAL CITY – Arestado ang duha ka indibidwal sa ginlunsar nga search warrant operation sang Banga PNP sa Purok Lining, Brgy. Punong Grande, Banga, South Cotabato.

Ginkilala sang mga otoridad ang mga suspek nga sanday alyas “Jan”, 35-anyos, soltero, wala sang trabaho residente sang Banga, South Cotabato kag si alyas “Jeny” 25-anyos nga residente sang Koronadal City.

Suno sa mga otoridad nakuha gikan sa mga suspek ang 15 ka pakete sang ginapatihan nga shabu.

Sa karon, yara na ang mga ini sa kustodiya sang mga otoridad kag natalana nga pasakaan sang kaso nga pagbayular sa RA 9165 ukon Comprehensive Dangerous Drugs Act of 2002.