DSWD, nagpagwa sang P2.3 milyon nga ayuda para sa pagpangpanalasa sang Bagyong Kristine

Naglab-ot na sa P2.3 milyon nga balor sang ayuda ang napagwa sang Department of Social Welfare and Development (DSWD) bilang preparasyon sa paglaslas sang bagyong Kristine.

Suno kay Disaster Response Management Group (DRMG) Assistant Secretary Irene Dumalao, food kag non-food items ang gintugyan sang ahensiya sa mga local government units (LGUs) sa probinsya sang Albay, Camarines Sur, kag Sorsogon sa Bicol Region; Bacolod City sa Region 6 (Western Visayas); kag North Cotabato sa SOCCSKSARGEN.

Nagapadayon man ang pagpreparar sang DSWD sang dugang nga food packs sa National Resource Operations Center (NROC) sa Pasay City agud masiguro ang bastante nga stocks.